I.យប់នេះមេឃត្រជាក់ក្រៃ ហេតុអ្វីអូនសែនគ្រាំគ្រា រាងកាយអូនក៏រងា ឬជាធម្មជាតិនៃស្នេហ៍ នឹកគេបានត្រឹមលួចយំ ឆ្លងឆ្នាំម្នាក់ឯងដដែល កាំជ្រួចក៏មានគូដែរ ម្ដេចស្នេហាខ្ញុំអស់ន័យ II.ឯកានៅតែឯកា អត់សង្សារគ្មានអ្នកកាន់ដៃ ស្អែកនេះឆ្លងចូលឆ្នាំថ្មី សួរតើថ្លៃនឹកស្រីដែរអត់ អូននៅចាំតែម្នាក់ឯង សែនចំបែងបេះដូងកម្សត់ ចាំបងវិលមកត្រឡប់ កុំចប់ទាំងមិនបានលា ហា… R.ឆ្លងឆ្នាំមិនឆ្លងឯកា អ្នកណាយល់អារម្មណ៍ខ្ញុំ ឈឺចាប់តែមិនអាចយំ បង្ខំចិត្តនៅម្នាក់ឯង កម្សត់មកយូរដែរហើយ បណ្ដោយទៀតមិនអីដែរ ដឹងថាមិនអាចស្លាប់ទេ ប៉ុន្តែត្រូវរស់ឯកា ហា… *ឯកានៅតែឯកា អត់សង្សារគ្មានអ្នកកាន់ដៃ ស្អែកនេះឆ្លងចូលឆ្នាំថ្មី សួរតើថ្លៃនឹកស្រីដែរអត់ អូននៅចាំតែម្នាក់ឯង សែនចំបែងបេះដូងកម្សត់ ចាំបងវិលមកត្រឡប់ កុំចប់ទាំងមិនបានលា Pre:បងប្រាប់ថាឯកាណាស់ ផ្លូវស្នេហ៍នេះមិនយូរទៀតទេ ព្រោះក្បែរបងកំពុងមានគេ នៅចាំថែពេលបងត្រូវការ *ឆ្លងឆ្នាំមិនឆ្លងឯកា អ្នកណាយល់អារម្មណ៍ខ្ញុំ ឈឺចាប់តែមិនអាចយំ បង្ខំចិត្តនៅម្នាក់ឯង កម្សត់មកយូរដែរហើយ បណ្ដោយទៀតមិនអីដែរ ដឹងថាមិនអាចស្លាប់ទេ ប៉ុន្តែត្រូវរស់ឯកា ហា… R1.មិនស្មោះចាំបាច់សន្យា សច្ចាស្លាប់រស់មិនប្រែ ពេលនេះមានតែអូនទេ ដែលរងនូវភាពឈឺផ្សា ទឹកភ្នែកហូរព្រោះប្រុសក្បត់ ហូរលុបលាងអនុស្សារ លាបងដែលចិត្តឫស្យា ឆ្នាំនេះឯកាទៀតហើយ ហា…